#BIEŁROCK "Тусоўка" (сход) Менскага рок-клюбу "Няміга" на ганку кінатэатру "Мір", люты 1992 г. Удзел бяруць прадстаўнікі гуртоў РДК (Асіповічы), Moby Dick (Менск), 19-91* (Менск) і прэзыдэнт рок-клюбу Ўладзімер Зайчанка. Зь інтэрвію "Тузіну гітоў": "ТГ: А пастаянныя месцы для паседжаньняў і для выступаў у рок-клюбу меліся? УЗ: Мы неаднойчы прасілі даць нам памяшканьне. Два разы давалі: быў пакой у Камвольным камбінаце, і у ДК Чыгуначнікаў на першым паверсе. Але гэта былі месцы толькі для сходаў, канцэртовай пляцоўкі мы ня мелі. Пасьля працяглы час сустракаліся на прыступках кінатэатру «Мір» штонядзелю а 13-й… Афіцыйна гісторыю рок-клюбу мы скончылі недзе ў 2003 годзе. Самае галоўнае, што зь яго выйшла маса народу, шмат клясных музыкаў, якія дагэтуль граюць. Хаця многія адышлі ў невядомасьць". *Пачатковы назоў гурту "Князь Мышкін".