#BIEŁROCK Камэнтар Уладзімера Зайчанкі: "Відэаархіў пачаў складацца фактычна зь першага паседжаньня рок-клюбу "Няміга" ў ДК Чыгуначнікаў у 1985 годзе. Сустрэчу здымала БТ па ініцыятыве тэлерэжысэра Сяргея Вінаградава. У кадры мы сядзім вакол магнітафона "Тэмбар" і слухаем запісы гурту "Магістрат", а потым пускаем мікрафон па коле… Праўда, я там нейкую лухту нясу. Далей я намагаўся запісваць з тэлевізара ўсё, што тычылася ня толькі рок-клюбу, але ўвогуле беларускага року. Рок-клюб "Няміга" арганізавалі ў 1985 годзе Вітаўт Мартыненка й Анатоль Мяльгуй, які яго й узначаліў. Гэта была вельмі файная ідэя сабраць усіх нашых рокераў. Напачатку ў клюб уваходзіла гуртоў восем: "Магістрат", "Мінск", "Блізьняты", "Мроя"…"