► Пішыце нам у Telegram-чат: https://t.me/kazki_bydobry "Казкі на Добрым"! ► Увага! Зваротная сувязь для маленькіх гледачоў! Вы можаце дасылаць нам свае каментары, свае казкі-пераказкі ці малюнкі-ілюстрацыі да нашых казак, якія спадабаліся, у Telegram-чат ці на электронную пошту: [email protected] У адным з выпускаў мы абавязкова зладзім выставу вашых малюнкаў. А з пераможцамі выйдзем на відэасувязь і пазнаёмімся асабіста! — — — Беларускія казкі на Ютуб калі Чычы адна дома 😁. Гарэза Чычы сёння ў “Казках-Падабайках” адна. Алесь паехаў у казачную камандзіроўку. Абяцаў вярнуцца з новай цікавай казкай. І малпачка сама пачынае чытаць казкі. І сёння ў нас - беларуская народная казка Алёнка Крапіўніца. Жылі колісь дзед і баба. І была ў іх дачка Алёнка. Ды ўсе звалі толькі Крапіўніцай. Бо яна ў бацькоў адна засталася, як крапіва пры плоце. Яе тры браты паехалі ў свет - з лютымі Змеямі-Цмокамі ваяваць. Алёнка вырашыла братоў адшукаць. Запрэгла Сіўку ды паехала. І сабака Лысун следам за імі пабег. Бачыць - стаіць пры дарозе хатка. Выбегла адтуль ведзьма Бабарыха. Запрасіла Алёнку ў яе пераначаваць. Алёнка Крапіўніца ўсё ёй расказала. Ведзьма ад радасці аж падскочыла: браты Алёнчыны - тыя асілкі, якія ўсю радню яе са свету звялі. Цяпер яна з імі расправіцца... Назаўтра ведзьма ўсё Алёнчына адзеньне схавала і прынесла ёй старыя жабрацкія лахманы. Бабарыха села на воз, а Алёнку за возніцу пасадзіла. Цэлую ноч ехалі. Раніцай выехалі на луг, бачаць - перад імі шаўковы шацёр стаіць. Выходзяць адтуль тры дужыя хлапцы-малайцы – браты Алёнкі. Але Бабарыха іх падманула - сябе за іх сястру выдала, Алёнку пасвіць коні адправіла, а сама плануе ночы прычакаць ды забіць асілкаў. Тым часам Алёнка сядзела на лузе і спявала, плачучы. А Лысун брахаў ды ўсю праўду пра Бабарыху расказваў. Пачуў іх малодшы брат. Паклікаў старэйшых. Тады браты і здагадаліся, хто ёсць хто. Падхапілі Алёнку на рукі і прынеслі ў шацёр. Расклалі браты вялікае вогнішча, спалілі на ім ведзьму Бабарыху – апошняе зло на зямлі. А потым паехалі з Алёнкай да бацькоў. І на гэтым казка заканчваецца. Але ж у Чычы столькі пытанняў засталося! ❓ Чаму ўсё ж Алёнку Крапіўніцай звалі? Неяк не зусім зразумела з крапівой пры плоце... ❓ І як імёны яе братоў? ❓ Колькі Змеяў-Цмокаў яны адолелі? ❓ І чым тыя людзям шкодзілі? ❓ Ну, і што з Алёнкай і яе братамі далей было? На цэлую новую гісторыю пытанняў… Таму малпачка вырашыла прыдумаць сваю казку-пераказку - “Алёнка Крапіўніца і яе браты-асілкі”. І ўсіх гледачоў запрашае далучыцца. Цікава, што ў яе атрымаецца? Убачымся ў наступным выпуску “Казках-падабайках” і даведаемся! Дзяўчынкі і хлопчыкі! Вы можаце далучыцца – намаляваць свае ілюстрацыі да казкі-пераказкі і даслаць нам па адным з адрасоў: 🔸 Telegram-чат: https://t.me/kazki_bydobry "Казкі на Добрым" 🔸 Электронная пошта: [email protected]