2 кастрычніка стала вядома, што палітвязню Вользе Маёравай дадалі 1,5 гады да 20-гадовага тэрміна зняволення. 30 верасня Міжнародны крымінальны суд прыняў да разгляду пазоў Літвы па злачынствах супраць чалавечнасці ў адносінах да беларусаў. 5 кастрычніка дэпутат Вярхоўнай Рады Украіны Алег Дунда зрабіў скандальную заяву аб магчымым пераносе вайсковых дзеянняў у Беларусь. 3 кастрычніка Еўрапарламент абраў Малгажату Гасеўскую з Польшчы кіраўніком дэлегацыі па дачыненнях з Беларуссю. У гэты ж дзень адзначалася 100 гадоў з Дня народзінаў Рыгора Клімовіча, палітвязня ГУЛАГу і аднаго з лідараў Нарыльскага паўстання 1953 года.