Падведзены вынікі першага тура конкурсу "Маладыя таленты Беларусі - 2024", у якім у паўфінал прайшлі 179 удзельнікаў у пяці намінацыях. Першыя да жывых праслухоўванняў рыхтуюцца музыканты-інструменталісты, сярод якіх 91 саліст. У другім туры канкурсанты прапануюць журы свае любімыя творы. Жывыя праслухоўванні ў намінацыі "Інструментальная музыка" для салістаў усіх узроставых катэгорый запланаваны на 14-15 кастрычніка ў Вялікай студыі Дома радыё. 16 кастрычніка адбудуцца вочныя праслухоўванні вакалістаў у намінацыі "Спадчына". 21-22 кастрычніка выступяць удзельнікі намінацыі "Эстрадны вакал". Пераможцаў конкурсу аб'явяць 15 лістапада на гала-канцэрце, які адкрые цыкл мерапрыемстваў, прысвечаных 100-годдзю Беларускага радыё. Лаўрэаты атрымаюць дыпломы, памятныя прызы і магчымасць пачуць сябе на FM-хвалях.