Падтрымаць нескароных тэатральных дзеячаў ды іх новыя праекты - https://byculture.org/donate Спектакль “Іранская канферэнцыя” паводле п’есы Івана Вырыпаева, рэж. Дзмітрый Цішко 06 траўня, 20:00 Першай прэм'ерай новага сезону Купалаўскага тэатра яшчэ ў верасні-2020 павінна была стаць гэта пастаноўка ў сумеснай працы з Тэатрам драматычным імя Аляксандра Венгеркі ў Беластоку, якая рыхтавалася ўлетку. Але пасля падзей жніўня-2020 і ў сувязі з звальненнем большасці супрацоўнікаў, паказ спектакля ад імя афіцыйнага Купалаўскага тэатра стаў немагчымы альбо наўпрост забаронены ўладай. Сёння Беларускі фонд культурнай салідарнасці мае гонар запрасіць вас хоць і віртуальна, але патрапіць яшчэ ў той Купалаўскі на як ніколі актуальную імпрэзу ў пастаноўцы Дзмітрыя Цішко з удзелам Рамана Падалякі, Аляксандра Падабеда, Вікторыі Чаўлытка, Івана Труса, Юліі Шпілеўскай. Уся каманда звольнілася ў жніўні-2020 у знак салідарнасці з беларусамі. - Пра спектакль: Прадстаўнікі сусветнай інтэлектуальнай эліты, найлепшыя розумы сучаснасці збіраюцца на канферэнцыю, каб абмеркаваць набалелую “іранскую праблему” – парушэнне правоў і свабод, штодзённыя смяротныя пакаранні, катаванні і ваенныя канфлікты на Блізкім Усходзе. Але паступова гэтыя пытанні пераходзяць у развагі пра сэнс жыцця, чалавека і Бога. Спектакль не дае адказаў, магчыма таму, што яны ва ўсіх свае, але ўзнімае агульначалавечыя пытанні: Як зрабіць правільна? Які сэнс нашага існавання на зямлі? Дзе сканчаецца нашая адказнасць і пачынаецца адказнасць іншых? І нарэшце - Ці магчыма ўвогуле атрымаць адказы? - Аўтар п’есы: Іван Вырыпаеў Пераклад: Марыя Пушкіна, Караліна Грушка Рэжысёр: Дзмітрый Цішко У спектаклі занятыя: PHILIP RASMUSEN - Raman Padalaka ( Minsk) DANIEL CHRISTENSEN - Rafał Olszewski (Białystok) OLIVER LARSEN - Alaksandr Padabied (Minsk) ASTRID PETERSEN - Viktoryja Čaŭłytka (Minsk) EMMA SCHMIDT-POULSEN - Dorota Białkowska-Krukowska (Białystok) MAGNUS THOMSEN - Patryk Ołdziejewski (Białystok) GUSTAV JENSEN - Ivan Trus (Minsk) FATHER AUGUSTINE - Marek Cichucki (Białystok) PASCUAL ANDERSEN - Marek Tyszkiewicz (Białystok) SHIRIN SHIRAZI - Julija Špileŭskaja (Minsk) Стварэнне спектакля ажыццяўлялася пры фінансавай падтрымцы Амбасады Польшчы ў Беларусі і Польскага інстытуту ў Мінску. - Мы ў сацсетках: 👉 Telegram - https://t.me/by_culture 👉 Facebook - http://bit.ly/by-culture-fb 👉 Instagram - http://bit.ly/by_culture_insta 👉 Youtube - http://bit.ly/youtube-byculture #BY_CULTURE