Падтрымаць нескароных тэатральных дзеячаў: https://byculture.org/donate Спектакль “Імжа” паводле п'есы "Сялянская вайна" Йонаша Кофты, рэж. Мікола Трухан 20 траўня, 20:00 Беларускі фонд культурнай салідарнасці запрашае на ўнікальную імпрэзу — спектакль "Імжа", пастаўлены легендарным рэжысёрам Міколай Труханам у 1991г. ва ўласным аўтарскім тэатры "Дзе-я?" і адноўлены былым акцёрам тэатра Генадзем Гатоўчыцам 29 красавіка 2021 года. П'еса польскага драматурга, паэта, акцёра Кофты слушна спалучылася з адчуваннямі беларускага рэжысёра, асветніка, наватара Міколы Трухана (1947 — 1999). Рэжысёр зрабіў з гэтай п'есы алегарычную прамову ці то пра лёс беларусаў, ці то пра цьмяны і няпэўны чалавечы лёс кожнага на Зямлі. Спектакль-алегорыя і спектакль-метафара, кожная рэпліка ў ім самакаштоўнасць... героі яго - гэта архетыпы "племені людскога"... яны быццам падарожнікі, якія блукаюць у нявызначанай, варожай прасторы... Імжа. Імжа не дае бачыць, чуць, разумець… Існаванне навобмацак. Дыялогі іх таксама размывае Імжа, таму часам падаецца, што размаўляюць яны не адно з адным, а проста з Богам... У свой час спектакль з поспехам ішоў па ўсёй Беларусі і быў прадстаўлены на фестывалях “Студыйныя каляды-91” Мінск, “Тэатральныя вопыты-92” Чэлябінск, “Фестываль нацыянальных меншасцяў-93” Гданьск. Арт-праект "Дзе-я?" - гэта спроба аднавіць спектакль у яго аўтэнтычнай каштоўнасці. Спектакль рэканструяваны намаганнямі былых акцёраў тэатра "Дзе-я?", акцёрамі, якія працавалі ў Новым драматычным тэатры і былі звольнены за пазіцыю, і тых, хто быў зацікаўлены праектам. Усе дэкарацыі, часткова касцюмы, рэквізіт зроблены ўласна чальцамі праекту. - У спектаклі занятыя: Папова-Гатоўчыц Таццяна - ГАРБУНЯ, маці Ваўчок Андрэй - МАЦЯС, яе сын Каралёнак Вольга - ХАНА, яго жонка Ваўчок Яўген - ГЕРД, іх сын Гусарава Святлана - МАРТА, сястра Мацяса Рабычын Мікола - ЗЛОДЗЕЙ Тоўсцікаў Сяргей - ПАН - Мы ў сацсетках: 👉 Telegram - https://t.me/by_culture 👉 Facebook - http://bit.ly/by-culture-fb 👉 Instagram - http://bit.ly/by_culture_insta 👉 Youtube - http://bit.ly/youtube-byculture #BY_CULTURE