Донаван - шатландскі музыка, спявак, аўтар песень і гітарыст. Яму ўдалося развіць свой характэрны эклектычны стыль з элементамі фолка, джаза, поп-музыкі, псіхадэліі і этнікі. З 1965 па 1970 год Донаван выпусціў шэраг вельмі паспяховых альбомаў і сінглаў. І дагэтуль творча актыўны. За сваю кар'еру ён выпусціў 31 альбом, у тым ліку 23 студыйныя і 8 канцэртных. «Hurdy Gurdy Man» — песня, якая был запісана ў красавіку 1968 года і выдадзена як сінгл. Яна ж і дала назву альбому "The Hurdy Gurdy Man", які выйшаў у кастрычніку таго ж года. Донаван напісаў «Hurdy Gurdy Man», знаходзячыся ў Рышыкешы ў Індыі, дзе ён вывучаў Трансцэндэнтальную Медытацыю разам з «Beatles». Запіс мае больш рокавае гучанне, чым звычайны матэрыял Донована, з разнастайнымі скажонымі гітарамі ды агрэсіўнымі барабанамі. «Hurdy Gurdy Man» вельмі часта выкарыстоўвалі ў саўндтрэках ці трэйлерах да розных фільмаў і тэлешоў, у тым ліку песня гучыць у кінастужцы Дэвіда Фінчэра “Задыяк” напачатку і напрыканцы фільма. https://youtu.be/L4PdzwxaVcc https://youtu.be/M6VNQQ1NGKs https://youtu.be/5ljIbUW-wS0 #music #psyhedelic