Гэты варыянт хлеба не класічны і даволі хуткі. Для яго прыйдзецца рабіць закваску ці выкарыстоўваць дрожджы. Звярніце ўвагу, што жытняя мука больш "цяжкая" за звыклую пшанічную і цеста ды бохан не будуць лёгкімі і пульхнымі. Таму лепш фармаваць бохан не вельмі высокім, бліжэй да плоскай формы. Неабходны даступныя і знаёмыя прадукты: Жытняя мука - 300 г Мёд - 1 ст. л. Алей - 1 ст. л. Кефір - 300 мл Кунжут - 2 ст. л. Кмен – 1 ч. л. Арэхі лясныя – жменька Соль - 0,5 ч. л. Сода ці разрыхляльнік - 1 ч. л. Сухія складнікі змешваем у глыбокай місцы, дадаём туды ж частку кунжуту і кмену. Трохі зярнят пакідаем для пасыпкі бохана. Да кефіру дадаём мёд і перамешваем. Пасля гэтага злучаем сухую і вадкую часткі ды вымешваем цеста. Апошнім дадаём алей. Цеста з жытняй мукі больш клейкае, то калі фармуем бохан, зручна змочваць рукі вадою. На дно форму пакласці пекарскую паперу, на яе – сфармаваны бохан. Зверху пасыпаць кунжутам і кменам. Зрабіць 2 – 3 прадольныя разрэзы. Выпякаць пры тэмпературы 180 градусаў, каля 40 – 50 хвілін. Гатовы хлеб дастаць з формы і астудзіць. Смачна есці!