У студыі радыёканала «Культура» выступіў савецкі і расійскі акцёр Мікалай Бурляёў, народны артыст РФ і старшыня Камісіі Парламенцкага сходу па культуры, навуцы і адукацыі. У размове абмяркоўваліся выхаваўчыя функцыі сучасных культурных праектаў і іх роля ў фармаванні новага інтэлектуальнага, культурнага і патрыятычнага пакалення. Бурляёў падкрэсліў важнасць павелічэння колькасці сумесных беларуска-расійскіх праектаў у гэтай сферы. Акцёр таксама закрануў тэму кіно, адзначыўшы, што яно павінна быць накіравана на доўгатэрміновыя вынікі і прыбытак, а не толькі на першыя выхадныя пракату.