У Шведскай горцы плануецца будаўніцтва новага жыллёвага комплексу. У Гомелі баксёр, асуджаны за забойства свайго знаёмага ў выніку п'янай сваркі, атрымаў 7 гадоў калоніі. У Жлобіне дзяўчына адкрыла бізнэс і прысвоіла амаль 23 тысячы рублёў, за што таксама адправіцца на 2 гады ў калонію. Жыхар Рагачова здзейсніў веласіпеднае падарожжа да Уладзівастока, пераадолеўшы больш за 10 тысяч кіламетраў за 87 дзён. У Мінску будзе даступны адзіны нумар 112, па якім можна будзе датэлефанавацца ў 21 службу. Дырэктар завода "Белджы" паведаміў аб планах па выпуску новай мадэлі электрамабіля Geely, якая з'явіцца ў Кітаі да канца года. У Светлагорску дзяўчынка 2017 года нараджэння трапіла ў шпіталь з апёкамі пасля таго, як прабеглася басанож па вуглях ад вогнішча. 12-гадовы хлопчык, адпачываючы ў бабулі, пабудаваў паўнацэнную хатку з бярвення.