Навум Гальпяровіч праводзіць гутарку з дырэктарам Цэнтралізаванай сістэмы дзіцячых бібліятэк горада Мінска Таццянай Аляксееўнай Швед. Цэнтралізаваная сістэма была створана 14 ліпеня 1978 года і ўключае 18 бібліятэк і 5 філіялаў. Агульны кніжны фонд гэтай сістэмы налічвае 912 тысяч экзэмпляраў. Электронны каталог змяшчае больш за 150 тысяч запісаў на кнігі і каля 134 тысяч запісаў на аналітычную інфармацыю з кніг і часопісаў. Паслугамі дзіцячых бібліятэк карыстаюцца звыш 90 тысяч дзяцей і падлеткаў горада Мінска.