Словы Міхала Анемпадыстава http://mpby.com/akords-288.htm Над горадам шэрая хмара Макабрычных памераў, Чырвоны фабрычны комiн, Поўны вады як калодзеж. Поўны вады як калодзеж. Вада залiвае горад, Вулiцы, плошчы ды скверы. Мы заплюшчылi вочы, Мы зачынiлi дзверы, Мы зачынiлi дзверы. I мы не ўмеем плаваць, Мы памрэм без паветра, I маўклiвыя рыбы Будуць жыць у нашых пакоях, Будуць жыць у нашых пакоях. Давай памаўчым таксама: Цiша мацней за слова. Ты мяне разумееш, I гэтага дастаткова, I гэтага дастаткова. Гэта падводнае гетта, Тут не хапае паветра. Тут альбо вучышся плаваць, Альбо канаеш пацiху, Альбо канаеш пацiху. Стаiм у вадзе па горла, Знямелыя, i не зважаем На тое, як неяк пацiху Падобнымi сталi да рыбаў, Падобнымi сталi да рыбаў. I мы пачынаем дыхаць, I нам пад вадою добра, Калi толькi гэтую вадкасць Можна назваць вадою, Можна назваць вадою.