Словы Міхала Анемпадыстава Падае снег зранку Белаю калыханкай. Ён камуфлюе танкі Пад цукровую вату. Падае снег долу. Дзеці ідуць у школу, А мы шыбуем дадому З учорашняе імпрэзы. Прыпеў: Па-па-па-па-па-па-па-па-да-е, Падае, падае, е-е-е-е! Падае снег на цябе, на мяне І падае нам надзею. Падае снег новы На звар'яцелы горад, На нашы дурныя галовы Ды на разумныя твары. Падае снег чысты Светлы, як экзарцыста. Ён такі урачысты, Што нам хочацца піва. Прыпеў. Падае снег зранку Белаю калыханкай. Ён камуфлюе танкі Пад цукровую вату. Падае снег белы, Моўчкі фарбуе глебу. Пахне паветра хлебам. Мы чакаем Калядаў. Прыпеў.