Можа, нехта магутны і мудры Па жыцці, як спартовец, бяжыць, - Ну а мы - натуральныя дурні - Не даем рады правільна жыць. Нават грошы не ўмеем лічыць. Не плануем кар'ернага росту, Канкурэнтаў не будзем знішчаць Ды не хочам пампезныя тосты За патрэбных людзей уздымаць, Каб пасля і квітнець, і буяць. Прыпеў: Мы жывем гэтым днём і няма перспектываў далёкіх. Мы жывем гэтым днём і іначай не хочаццца жыць. Мы на неба глядзім, а на ім прамяні ды аблокі. На пагорку сядзім, а жыццё хуткай плынню бяжыць... Ёсць у свеце разумныя людзі, Што для ўсіх, як святло маяка. Ну а мы адзначаць вечна будзем Кожны дзень ад званка да званка Свята першае красавіка. Прыпеў.