На чарговай удумлівай лекцыі, Як заманліва ты не хлусі, У выніку браку канцэпцыі Сапсавалася нешта ў жыцці. Мы крычалі, дурныя, па мітынгах, Мы хацелі каб сёння і ўсё... Наступствамі гэткай палітыкі Супынілася наша жыццё, Супынілася раптам і стала, Затуліўшыся носам ў куток, Як дабіты нямецкі фальксвагэн - Ні наперад, ні ўзад і ні ў бок. Мы спалохаліся, мы заплакалі - Але ўмомант з-за мокрых кустоў Паналецелі інтэрпрэтатары Растлумачваць, чаму і зашто. І гнюсілі, матляючы вочкамі Пра агульны ўздым і пад'ём: "Вот вы только працуйте, работайте, Вы служыте - мы вас подождём!" А жыццё, ну куды яно дзенецца? Чорт не возьме і не адбярэ.. Вось яно адсапецца, аклемецца І як зайчык, наперад папрэ. Сапраўды, быццам стрэльбу над глобусам, Край наш Творцы трымае рука, І смярдзяць на прыпынках аўтобусы, І мужчыны нясуць "крыжачка". Скокі, спевы штодня вельмі шумныя, Эўрапейскі спрадвеку тут край, Памяркоўныя людзі, разумныя - Ну хоць сраку аб іх выцірай! Шэры зайчык, як стрэляны, куляй ляціць Паміж дрэваў засохлых акацыі, А ў канцы гэтай сцежкі панура стаіць Непазбежная цень эміграцыі. Мы крычалі, дурныя, па мітынгах, Мы хацелі, каб сёння і ўсё... Наступствамі гэткай палітыкі Супынілася наша жыццё.