Быў сабе на свеце Вася, Ціхі сціплы грамадзянін - Жонка, дзеці, ўсё як ува ўсіх, Але дзіўная прыгода З ім нядаўна адбылася, Страшная, аж свет прыціх. Атрымаў на пошце Вася Грошы добрыя ад брата - Брат з Нямеччыны прыслаў. На вялікіх крылах шчасця Вася пёр у родну хату, Але лёс інакш ўсё даў: Наляцела знекуль хеўра, Адабралі ў Васі еўра. Вось прыйшло ў краіну свята - Дзень пісьменніцтва і друку - Піў-гуляў увесь народ, І Васіль з усім народам Вырашыў глытнуць свабоды, Бо не быў у людзях сто год. Крочыў шчаслівы Вася Ў новай вышытай кашулі, Нёс бел-чырвань-белы сцяг. Скочылі ураз да Васі Хлопцы дужыя за малпу, Увалілі па плячах. Дзень пісьменніцтва і друку Наш Васіль сустрэў на бруку. У вёску нешчаслівы Вася Ўцёк тады да роднай маці Ад турботаў адпачыць. Тут свабода, тут стабільнасць; Зранку ў печы меладыйна Чарка з скваркаю пішчыць. Бачачы, што бедны Вася Ў пошуках жыццёвай праўды Страціў схільнасць да цяпла, Маці бедная аднойчы Надта рана з ложка ўстала, Круасанаў напякла. Завіталі партызаны, Патапталі круасаны. Ёсць цяпер на свеце Вася, Ціхі сціплы грамадзянін - Жонка, дзеці, ўсё як ува ўсіх, Толькі вось наш бедны Вася У жыцці не мае шчасця: Ён цяпер стабільны псіх. (3)