Словы са зборніка "Голас душы", музыка традыцыйная. Нарадзіўся, нам з'явіўся Сярод цемры ў стайні Бог. Хто ж Малому, дарагому Даць там хвалу годна мог? Пастушкі, вы паспяшайце, Чэсць і хвалу Яму дайце, Вас Анёл туды заве. Разам з вамі мы з мальбамі Паспяшым туды хутчэй, Хоць Малога станем Бога Цешыць песняю сваей. Бо Ён бедна нарадзіўся, Ў жалабочку прытуліўся, Каб нас, грэшных, ў небе мець. Станем ў кола і вясёла Будзем «Gloria» спяваць, Бо жаданы ёсць пасланы, Каб збаўленне свету даць. Шчыра так Яго вітайма I з Анёламі спявайма: «Усім спакой тут на зямлі!». Прывітайма, запытайма: "Хто ж прычынай гэта быў? Скуль патрэба, што аж з неба Бог на землю Сам ступіў?" - "Міласць Божа то зрабіла, Сына з неба падарыла, Каб у небе мы былі". Чаму ж, Божа, жлоб — не ложа 3 сена меў пасцель Сабе? Быдла грэла - літасць мела, А не людзі для Цябе?" - «Грэшнік, злосці што паддаўся, I як сена кволы стаўся, - Праз Мяне каб рай здабыў». У Юдэі без надзеі Маткі плачуць цэлы век: Ірад строгі з дапамогі Войска дзетак іх пасек. Недалёка та хвіліна - Кроў пальецца Бога Сына За грахі усіх людзей. Божым Царствам, Валадарствам Трэба цэлы свет назваць, Дзе ж прычына, Бога Сына Не хацеў ён тут прыняць? Бо свет цэлым грэхам скуты, Не ахвотны да пакуты, Крыжам Збаўцу абдарыў.