Музыка Лявона Вольскага Словы Лявона Вольскага - Алеся Сушы Гэта рытм барацьбы і кахання. Гэта музыка новага дню. Гэта песня ад рання да рання, Гэта танец вагню. Гэта спеў, як „крывавая Мэры Гэта чырвань на ўвесь небакрай. І любоў, і надзея, і вера... Грай, музыка, грай. Гэта поспех і смак перамогі. Гэта літасны позірк удачы. Гэта сонца ў віне і запалены порах. Танчы, мілая, танчы. Самалёты лятуць над краінай, Самаходы нервова гудуць, Стадыёны ў парыве адзіным Плачуць, равуць і пяюць. Прыпеў: Оле-оле-оле-оле! Беларусь жыве! Оле-оле-оле-оле! Беларусь жыве! Мы гадзіны і дні не лічылі — Не здзіўляйся і не дакарай — Грай на ўсю моц, спявай на ўсю сілу: Гэта — родны наш край.