"Паравіны году" Словы Алеся Камоцкага http://www.todar.net/downloads/lyrics/paraviny_godu.doc Раніцаю ціхая зіма Двор зрабіла белым і халодным. Неяк гэта я не ўпільнаваў, Не сустрэў яе на падыходзе. Хоць яшчэ фармальна лістапад, Але ўжо ўладараць снегапады. Традыцыйна трэба сумаваць З гэтай пераменаю улады. Але нешта сум не ў галаву, Мусіць, пасумую іншым часам, Вельмі тэрмінова я жыву, Вось і не трапляю быць сучасным. Заўтра будзе раніца, а я Жыў яе учора і па-свойму. Тая ж, што сягоння не мая, Надта ўжо з'явілася павольна.