Музыка Зміцера Вайцюшкевіча Словы Рыгора Барадуліна http://www.todar.net/downloads/lyrics/kalyhanki.doc Закруціў будзільнік вус. Перастаў гудзець гудок. Прытаміўся хлусіць хлус. Лёг мядзведзь на левы бок. Прыпеў: Свой пакінуў сонны трон Сонаў сын, самотны сон. Не спыняецца нідзе, Добрых дзетак спаць кладзе. Каб шукаць патайны клад, Запаліла ноч ліхтар. Вечар збег за далягляд. Спаць плывуць чароды хмар. Прыпеў. Калыхаў калыску дзед І заснуў, як немаўля. Спаць уцёк заечы след. Спяць нябёсы, спіць зямля. Прыпеў.