Словы Альфонсаса Малдоніса Музыка Алеся Камоцкага Гэтак было ўжо на нашай зямлі... Слова ізноў з пачуццём не супала. Рукі ўскінуты. Змоўкнула зала. Гукі ў душу тваю ціха ўвайшлі. Нібыта кветак асенніх святло, Даўняя музыка, муза старая. Смешны наіўны ўспамін дагарае Пра парыванні, якіх не было. Вецер асмужаны плёс разгайдаў І разагнаў аблачынкі ўрэшце. Сонечны погляд - і чысты, і грэшны, Лёгка намёкі твае разгадаў. Даўняя музыка - прысаку слой: Толькі адкінеш зазімак свой ранні, - І перахопіць нясцерпна дыханне Пах незабыты нясказаных слоў. Што, калі так павялося здаўна - Не супадаюць з пачуццямі словы? Рукі ўскінуты, сціхлі размовы, Зноў загучала старая струна...