Словы Максіма Багдановіча Музыка Алеся Камоцкага http://rv-blr.com/vershu/view/329 Халоднай ноччу я ў шырокім, цёмным полі Каля вагнішча лёг і сціхнуў у паўсне. Агонь усё слабеў... урэшце знік паволі... І ўраз зрабілася вясёла неяк мне!.. Хай, шэры попел, ты вагнішча ўсё сабою Ў нядоўгі час здалеў, як рызаю, пакрыць, Я ведаю, што там агонь дрыжыць пад ёю, Я ведаю, што там чырвоны жар гарыць... Хай чарада гадзін панурых, нудных, шэрых, Як попел, на душу мне клалася ўвесь час, Хаваючы сабой агонь гарачы веры, Хай не відаць яго... а ўсё ж ткі ён не згас! 1910