Словы М.Языкова Пераклад Алеся Камоцкага http://ales.by-kraj.com/cgi-bin/krs.pl?R=ac Ноч не спіць, над ракой Поўня шырыць прастор, Чыстым срэбрам звініць Хваля цемры ў дакор. Лес заціх, цень галін Тоіць рэшткі агней, Звонкіх песень сваіх Не пяе салавей. Расцвілі ў снах нябёс Кветкі новай вясны, Мроі ў сэрцы ізноў Абудзілі яны, Светлым імем тваім Я пярэчу журбе, Ты, пяшчота мая, Сумна мне без цябе. Ноч не спіць, над ракой Поўня шырыць прастор, Чыстым срэбрам звініць Хваля цемры ў дакор. Гэтай ноччу ў сне У чужой старане Ты, пяшчота мая, Ўспамінай пра мяне.