Словы народныя http://ales.by-kraj.com/cgi-bin/krs.pl?R=ac Нада мной у сінім небе Найчарнейшы з груганоў, Не ляці бліжэй, не трэба, Час яшчэ не надыйшоў. Што ты кіпці распускаеш Над маёй, брат, галавой? Ці спажыву адчуваеш? Я ж пакуль яшчэ не твой. Я яшчэ бінтую рану Ля смяротнае мяжы, Але ж долю не падманеш — Мне да ночы не дажыць. Узляці, груган, высока, Завітай у родны край. Што загінуў за Радзіму, Ты матулі перадай. І з каханай павітайся, Ды ўжо іншай навіной — Перадай, хай не чакае — Ажаніўся я з другой. Узяў маўклівую нявесту Ад настойлівых сватоў — Абвянчала мяне куля Ў чыстым полі пад кустом. Пакружляўшы ў небе чорным, Найбялейшы з груганоў Непазбежна і спакойна Апускаецца за мной.