Словы Рыгора Барадуліна Музыка Алеся Камоцкага http://kamunikat.org/download.php?item=9622-1.pdf Прашу спагады ў Вашае рукі — Вяселле мы згуляем баравое, Заручаць нас у небе жаўрукі, I срэбны ложак нам засцелюць хвоі. Дагоніць рэха нашу цішыню, I чуткі не абразяць нашу згоду, I закалышуць хмары вышыню, Самота ўспомніць даўнюю лагоду. I цені пераблытаюць сябе, Сны крозамі, а крозы стануць снамі, Пачну наіўна верыць варажбе, Забудуся на ўсё на свеце з Вамі. Хачу напіцца з радаснай ракі, Удачу запрасіць хутчэй у госці. Прашу пакорна Вашае рукі, Каб не адбіўся я ад рук мілосці.