Словы Рыгора Барадуліна Музыка Алеся Камоцкага http://kamunikat.org/download.php?item=9622-1.pdf Я не спяшаюся зіму сустрэць, Пакуль гасцюе лета ў сэрцах нашых. Пакуль шалее хмель у поўных чашах, Агню лагоды хочацца гарэць. Я Вас праводжу, як праводзяць ноч, Сцямнелую ад жарсці і знямогі, Кілімы ўдзячнасьці сцялю пад ногі, Шлю рэха радасьці ісці наўзбоч. Як раніцу, я сустракаю Вас, Ад суму адзічэлы і ўначэлы, Крылатага стральца сляпыя стрэлы Цаляюць у ратунак мой якраз. Баюся страціць Вас і пастарэць, Мая вясна і лета залатое. Мне варта жыць было б хаця б затое, Каб Вас, неразгаданую, сустрэць.