Словы Рыгора Барадуліна Музыка Алеся Камоцкага http://kamunikat.org/download.php?item=9622-1.pdf Мне не хапае Вашай цішыні, У якой чуваць, як вейка ападае, Мне не хапае Вашай вышыні, З якой знікае [...]ічка маладая. Як светла знічка кленчыла зямлі, Мы на яе набожна загадалі, Пакуль нябёсы нашымі былі, Маўчаць мне Вашы вочы загадалі. Мне ўпэўненасці Вашай не стае, Мне не хапае Вашага адчаю, Я забываю на гады свае I ва ўспамінаў смеласьць пазычаю. Сваю нясмеласьць некалі таіў I мроіў некім, гэта значыць Вамі, З крыніцы свойскай жаўрука паіў, Каб ён звінеў над спраўджанымі снамі. Мне не хапае Вас і толькі Вас, Ручны жаўрук даўно жыве ў блакіце. А Вы мяне ці ўспомнілі хоць раз? Як не лістом, хоць рэхам адкажыце.