Словы Рыгора Барадуліна Музыка Алеся Камоцкага http://kamunikat.org/download.php?item=9622-1.pdf Ішла над ціхім лесам поўня, Расы чакалі верасы, Пад вербамі ў нагрэтым чоўне Дзяўчына мыла валасы. Яшчэ худзенькімі рукамі Вязала мокрыя вузлом, Усмешка па вадзе блукала, Хмурынкі возера вязло. Прасілася ў косы стрыжка, Шаптала з берагам карма, А косак не хапала крышку, Каб дзве лілеі ўтрымаць. Ледзь-ледзь хавалі зайздрасць хвалі, Аж закіпалі ў трысці, Мяне і човен падмывалі Далёка з юнай заплысці.