Словы Ганада Чарказяна Пераклад з курдскай Рыгора Барадуліна Музыка Алеся Камоцкага Прыпеў: Цыганка ведае пра ўсё наперад, Што ёсць, што будзе, што было-сплыло. Пра горкі боль, пра салодкі верад, Пра цемру апраметнай, пра святло. Бо ведае: зямля нас нарадзіла. Мы людзі - вязні шчырасці й маны. Як пра сябе, пра нас казаць не дзіва, Бо ўсе мы нечым трошкі цыганы. Прыпеў. Цыганка ведае пра ўсе заганы. "Не крадзь,"- параіць, а сама ўкрадзе. Ды кожны з нас сабой закалыханы І чуць не чуе іншага ў бядзе. Прыпеў. Дык як тады не верыць варажбіцы? Нас ведае яна, а мы яе. Таму й гатовыя ў праснак разбіцца, Каб даказаць, што клёку нам стае. Прыпеў. (2)