Словы і музыка Алеся Камоцкага http://kamunikat.org/download.php?item=4230-4.pdf Пабачыў, як дрыжыць твая рука, Бракуе ёй упэўненасці даўняй, Не хочацца мне гэтакае праўды, Але другой не выпадзе шукаць. Не ведаю ці ўспомніш пра мяне Калі імгненне зробіцца празрыстым, Ці зразумею я тваю няіснасць, Якая непазбежна ахіне. Няма былых гадзін у новых днях, І шлях да іх не мае накірунку, Караюць непазбежным паратункам, Галоўнаму дазволіўшы мінаць. Вечарэе. Спакайнее. Спаць кладзе зіма завею. Неба заначуе на зямлі. На падзеі і надзеі, Лёс жыццё паспешна дзеліць. Паглядзець пакуль няма калі На тое, што завеі намялі.