http://www.svaboda.org/content/article/1899143.html http://3dway.org/node/7596 Дарога мая ад цяпла да цяпла Праз белае сэрца зімы працякла. Далёкія бомы і блізкі агмень, І хлеба кавалак, і шчасця прамень, І продкавы цені, і чысты абрус, І слаўная песня твая, Беларусь! У панскіх палацах і ў хатцы сляпой Дзіцячыя вочы гараць прада мной. Дык грай жа, ліра, Песняй звонкай вушы абудзі! Праз цемру шчыра Да святла далёкага вядзі! Багам не служыць Ліра непадкупная мая, Ратуе душы; З песняю ратуюся і я. На пляцы, на хутары, ладзяць ці не, Зайграю - і ў небе штандар шугане. Зайграю - і ўспомняць свой род слухачы. А ты, маё цела, трывай і маўчы, Таму што дарога ад поля ў поль, І ў стозе начуе жабрацкі кароль. Ды ў Бога начуе дух ліры яго, І хопіць, каб край абудзіць, аднаго. Дык грай жа, ліра, Песняй звонкай вушы абудзі! Праз цемру шчыра Да святла далёкага вядзі! Багам не служыць Ліра непадкупная мая, Ратуе душы; З песняю ратуюся і я. Ліра родны край абудзіць, Людзі родную песню ўспомняць, Песня наша заўсёды будзе Сэрцы вечнай любоўю поўніць! (2)