http://www.svaboda.org/content/article/1899143.html http://3dway.org/node/7596 Ходзяць сны нечаканыя, У шыбы б'юць, як зімой вятры. Ёсць між імі жаданыя, Дзе жывеш, нібы сонца, ты. Там па вулках блукае ноч, Там па вулках блукае сум. Я тваіх не цалую воч, На руках цябе не нясу. Я адзін, як апошні крык. Я адзін, як дзіравы грош. Да сустрэч з табой не прывык; Без цябе мне йшчэ болей горш. Не шуміце ўначы, дажджы, Не змывайце каханай смех! Я твой вобраз нашу ў душы - Гэта мой трапяткі сусвет. Пажаўцелае лісце дрэў Хоча трошкі яшчэ пажыць. Я б лістотай да ног зляцеў, Каб цябе зноў адваражыць, Каб вярнуць з нечаканых сноў, Што з вятрамі ў нябыт лятуць... Ты ідзеш да мяне без слоў І ты мне не даеш заснуць...