Словы Васіля Храмцова Музыка Алена Звініць нахабна куляў спеў. Цяжар былога за спіной. Што я ў жыцці зрабіць паспеў? Што будзе надалей са мной? А смерць вакол, нібыта цень, Знішчае нівы і лугі. Відаць, прыйшоў мой судны дзень, Жыцця сышліся берагі. Ў палях блукае сумны плач, Ушчэнт згарэлі мурагі. Над імі лётае крумкач У хмарах, поўнае тугі. Ты не кружляй над галавой! Нямала тых, што паляглі. Апошні стрэл яшчэ за мной На гэтай змучанай зямлі!