Словы Васіля Храмцова Музыка Алена Перад сыходам ў дальнюю краіну Схаваем боль у келіхах віна. Ў душы пакінем памяць пра Айчыну: Другой не знойдзем, бо яна адна. Паслухайце ў сэрцах сваіх Бога, Пакуль яшчэ мяжы не перайшлі, Быллём назад не зарасла дарога, Мо', вернемся да роднае раллі? Здаецца мне, пытаецца прырода. Мне чуецца яе нямы папрок: "Падумайце, вы на такое здольны?" Чым абярнецца наш наступны крок? На самым золку восеньскай парою Раса Радзімы змыла коняў след, Але не знішчыць страчанай крывёю Маёй зямлі спрадвечны запавет. Перад сыходам ў дальнюю краіну Схаваем боль у келіхах віна. Ў душы пакінем памяць пра Айчыну: Другой не знойдзем, бо яна адна!