Словы Васіля Храмцова Музыка Алена Паручнік Цэйтлін, смуткаваць не трэба. Напэўна, ёсць на гэта воля Бога. Відаць, даўно так вырашыла неба, Што пратрымацца мы змаглі нядоўга. Так здарылася. Дужэй нас супастат, Але заслон казачы мы прарвалі, І, каб жаўнеры нашы не сканалі, Палкі свае мы адвядзем назад. Прыпеў: Паручнік Цэйтлін, смуткаваць не трэба. Паручнік Цэйтлін, бо гэта воля Бога. Паручнік Цэйтлін, так вырашыла неба, І гэта неба над Беларуссю будзе вольным! Мы сыдзем за мяжу, але паверце: Зямлі сваёй ніколі не забудзем! Шчаслівым наш народ ўсё роўна будзе, - Інакш не можа быць на гэтым свеце! Паручнік Цэйтлін, смуткаваць не трэба. Габрэйскі эскадрон дастойны славы. Над Беларуссю будзе вольным неба, А ўнукі ўшануюць нашы справы. Прыпеў.