Словы Васіля Храмцова Музыка Алена Абуджаюць памяць веснавыя слёзы, Тае лёд ўспамінаў у маёй душы. Помню я: калядныя лютыя марозы На імклівых конях несліся да імшы. Асвятляў дарогу месяц серабрысты, Зіхацеў над намі зорны карагод, І гучала песня у паветры чыстым - Так пад капытамі падпяваў нам лёс. Як з табой купаліся ў снегавых пярынах, Што паслаў прад намі пазаснулы сад, І ліліся напевы шчодрых вечарынаў Па дварах сялянскіх пасівелых хат. На вачах з'явіліся ад ўспамінаў слёзы... Ціха сэрца ные і цяжка на душы. І ужо другія пад старой бярозай Спевы салаўіныя слухаюць ў цішы.