Словы і музыка Алена Аранжыроўка Андрэя Мітрошкіна Прыгожы вечар за вакном. У клуб збіраюцца усе: Там дзеўкі, танцы і кіно, Віно, кансервы і канцэрт. Я сёння бульбачку капаў, Складаў ў мяхі, насіў у хлеў. Я недарэмна працаваў І ўсё амаль зрабіць паспеў. Што будзе заўтра - паглядзім. Тут да мяне сусед прыйшоў. Па сотцы пальнулі мы з ім І закусілі агурком. Пасля налілі па другой - Навошта нам куды ісці? І праслязіўся сябра мой: Што ж гэта робіцца ў жыцці? Прыпеў: Мафія! У вёску прыязджае мафія! Усе яблыкі пакрала мафія І пожню патаптала мафія! Мафія, мафія! Мы напіліся ў ласкуты. Тады без смеху - усур'ёз Спытаў сусед: "Ці ведаў ты, Што Казік Васькаў - мафіёз? Што ён у горадзе жыве І там кватэру атрымаў? Што толькі грошы ў галаве, А на калгас ён напляваў?" А потым, як у цяжкім сне, Я ламануўся ад стала, Калі з граблямі у руцэ Суседа жонка увайшла. З падбітым вокам, як цыклоп, Іван гародамі ўцякаў, А я пад печкай, нібы кот, Салодкім голасам спяваў: Прыпеў. (3)