Словы Алеся Гаруна http://vershy.ru/category/ales-garun Цябе спаткаў і сам не знаю, Ад сэрца шчырага кажу, Якую, дзеўча, думку маю І спеў аб тым які злажу. Здаецца, нешта ўскаланула Ў душы маёй ты незнарок, Былога струны закранула, - Звіняць ледзь чутна аддалёк. Ці ж будзе час, што нам спаткацца Яшчэ раз здарыцца калі, І струны сэрца разбрымяцца У тыя песні, што былі? Ніхто не скажа! Толькі знаю І не ўтаюся ад цябе: Няхай цябе я не спаткаю, - Пакінеш след ты па сабе. І ў час, калі гадзінай шарай Сярод бязлюддзя пустаты Нуда абляжэць чорнай хмарай, Праменнем сонца будзеш ты!