Мы прыходзілі зранку праз белыя сцены завеяў, А сыходзілі позна пад цемрай па мокрым снезе. Рукавіцы сушыцца чаплялі на батарэі, Парасоны кідалі сцякаць на першым паверсе. Кожны дзень, зазіраючы ў вочы адно аднога, Мы у сшытках вялі перапіску на вузкіх палях. Ўсе шляхі нам былі да ліцэя любімай дарогай, А цяпер будзе кожнаму любы уласны шлях. Прыпеў: Мы знайшлі сябе ў ліцэі, Мы былі сабой у ліцэі, Мы усё да канца зразумелі, Мы усё да канца змаглі. Мы любілі адно аднога, І няма для нас лепш нічога, Чым той свет, які мы стварылі - Ён найлепшы з усіх на зямлі! Мы дарылі ліцэю сябе, мы дарылі ліцэю Свае сэрцы і мроі з зары да зары. Мы сваёю любоўю чатыры гады яго грэлі, А ліцэй нам сям'ю на чатыры гады падарыў. Не кажыце, што мы назаўсёды яго пакідаем, Не палохайце так бессаромна разгубленых нас. Мы б яшчэ сотні песень для вас праспявалі, Каб цяпер не спявалі ў ліцэі апошні раз. Прыпеў.(2) Спеў: Адэля Дубавец, Наста Клімовіч Гітара: Рома Цыбульскі Клявішы: Юля Крыварот Губны гармонік: Рома Цыбульскі Там-там: Андрэй Карповіч http://www.svaboda.org/content/article/1930339.html Песня зроблена ў межах праекту "Веру ў цябе". Усе правы на аранжыроўкі належаць аўтарам тэкстаў і музыкі, а таксама прадусару - Франаку Вячорку.