Словы і спеў Андрэя Хадановіча Музыка Юрыя Энціна Чую голас прыгажуні з Беластока, Ён гучыць птушынай песняй між палёў. Пазнаёміцца хачу, - я ў гэтым дока. Толькі тут не вельмі любяць маскалёў... Прыпеў: Дзяўчонка з Беластока, Не будзь ка мне жастока, Не будзь ка мне жастока, Жасто-о-ка не будзь! Я плачу ў тры патока, Бо хлопчыку з Вастока Дзяўчаткі з Беластока Спагады не даюць... Чую водар прыгажуні з Беластока, - Працінае да вантробаў гэты пах, І кілбасіць ад кахання, як ад току, Быццам сам амур заехаў па зубах. Прыпеў. Бачу постаць прыгажуні з Беластока, - У спадніцы ад найлепшых куцюр'е. Дай прыпасці да жыццёвага вытоку! - Я крычу ёй... А дзяўчына не дае. Прыпеў. Песня зроблена ў межах праекту "Партызанская школа". Усе правы на аранжыроўкі належаць аўтарам тэкстаў і музыкі, а таксама прадусару - Франаку Вячорку.