http://kamunikat.org/download.php?item=5157-1.pdf Навальнічная, юная, смелая, З неслухмянай залевай кос, За пяшчоту маю няўмелую Ты плаціла мне срэбрам слёз. Вецер золкі той даўняй восені Нам кілімы з лісця сцяліў, Асляплёны дагэтуль поўнямі Я цнатлівых грудзей тваіх... Прыпеў: I я цяпер жыву назад, Куды вяртаюцца вятры, Назад, у зорны лістапад, Дзе так мяне кахала ты. I я цяпер жыву назад, Куды не вернуцца вятры, Там паліць лісце лістапад I ў ім з табой згараем мы. Дабіблейскаю Евай грэшнаю Ты выходзіш з паўночных сноў, Мая самая-самая першая Мара, песня, журба, любоў. Вось такой мне і будзеш сніцца, Як збяруцца у гай гады, Два пярсцёнкі і завушніцы - Гэта ўсё, у чым адзета ты... Прыпеў.