Словы і музыка Вольгі Акуліч http://muzdepo.com/users/werasen Калі быў юным Сусвет, І дзень нараджэння лічыўся святам, І кожны з нас быў Паэт, І першы сустрэчны здаваўся братам, Мы верылі шчырасці слоў, Пілі і кахалі, спявалі і плакалі, І не разумелі бацькоў, І поспех не мерылі грашовымі знакамі. Сусвет сталеў на вачах, Мы гулялі вяселлі і ўчынялі скандалы. І зноў праходзілі шлях Ад штодзённых трывог да працоўных аўралаў. І быццам ёсць што губляць, Ды збочыць размова на звыклую тэму: Што мы будавалі палац, але атрымалі турэмныя сцены. А заўтра Свет стане старым, Магчыма -- мудрым, магчыма -- знямоглым. І адсвяткуюць сябры Свае юбілеі, як перамогі. І што ты скажаш тады, Калі застанецца хіба ў суцяшэнне, Што новы Сусвет малады Запросіць сябрамі на дзень нараджэння...