Музыка і словы Лявона Вольскага Аранжыроўка Паўла Трацяка http://generation.by/news3235.html У нетрах старога альбома Багата пачуццяў старых. Вось мы каля ўтульнага дома І нашыя побач сябры. Нічога нам тут не бракуе - Святла, чысціні, дабрыні. Няхай жа альбом больш мяне не хвалюе І ў пыльнай ляжыць цішыні! Прыпеў: Мой капітан, мой капітан, мой капітан! Наш карабель ішоў праз шумны акіян. Мой капітан, мой капітан, мой капітан! Наш карабель прайшоў завеі і туман. Мой капітан, мой капітан, мой капітан! Не перамог ні абардаж нас, ні таран. Прайшоў праз рыфы карабель, Мінуў і льды, не сеў на мель, Але аднойчы наткнуўся на падман! У нетрах старога альбома Мы дзелім усё напалам - І дні, калі чорна ад болю, І дні, калі поўна святла. Здавалася - простае глупства. І проста яго дараваў, - І раптам чарга незваротных наступстваў, І вось ужо мачты гараць! Прыпеў. Гэта быў вялікі, прыгожы, прасторны і ўтульны карабель. Ён ішоў пад зіхоткімі ветразямі наперад, наперад, - І здавалася, рух карабля будзе вечным. Міналі тлумныя гарады, мітуслівыя порты Горы, зарослыя цёмна-зялёнай расліннасцю. Раз-пораз карабель прыпыняўся ў портах і знаёміўся з іншымі людзьмі. Адзін з такіх прыпынкаў стаўся апошнім Для нашага вялікага, прыгожага, прасторнага і ўтульнага карабля... Прыпеў: Мой капітан, мой капітан, мой капітан! Наш карабель ішоў праз шумны акіян. Мой капітан, мой капітан, мой капітан! Наш карабель прайшоў завеі і туман. Мой капітан, мой капітан, мой капітан! Не перамог ні абардаж нас, ні таран. Прайшоў праз рыфы карабель, Мінуў і льды, не сеў на мель, Але не змог пераадолець мой падман!