Баявы псальм войска ВКЛ, 1580 г. http://staryolsa.com/by/gurt/teksty-noty-bel/pesn-monarshe-viechnemu-bel.html Словы Андрэя Рымшы з паэмы “Dziesięćroczna powieść wojennych spraw... Krysztofa Radziwiła...” (“Дзесяцігадовая аповесць ваенных спраў князя Крыштафа Радзівіла”). Аповесць выдадзеная ў 1585 г. у Вільні, апісаныя ў ёй падзеі адбываюцца ў 1580 г. Музыка з нотнага зборніка “Piesni Chwal Boskich” Яна Зарэмбы 1558 г. Транскрыпцыя фанетыкі праз польскамоўнае напісанне выканана С.Акінчыцам, адаптацыя тэкста да мелодыі – З. Сасноўскім. А. Рымша піша, што псальм "Песнь Монаршэ Вечнэму" спяваўся войскам ВКЛ на баявым маршы. Рымша, як рыцар і ўдзельнік Лівонскай вайны (1558—1583) распавядае, што ранкам літоўскія рыцары, пашыхтаваныя баявым парадкам, выехалі з умацаванага лагера і заспявалі "хвалу Богу", прычым разам з рыцарамі спяваў і вялікі гетман Крыштаф Радзівіл. А. Рымша дакладна працытаваў псальм. Адметна, што словы псальма не супадаюць са словамі, якія прыводзяць Ф. Скарына альбо Я. Каханоўскі. А. Рымша быў сярод рыцараў, якія спявалі гэты псальм, таму ягонае сведчанне з’яўляецца найбольш аўтарытэтным. Андрэй Рымша (каля 1550 – пасля 1595) – вядомы беларускі паэт, пісаў па-старабеларуску і па-польску, заснавальнік у беларускай літаратуры жанру "эпікграм", прафесійны ваенны, удзельнічаў у многіх бітвах і паходах. "Песні хвал Боскіх" (іншая назва "Брэсцкі канцыянал") – першы друкаваны нотны зборнік не толькі на Беларусі, але і ва Усходняй Еўропе. "Брэсцкі канцыянал" выдадзены пры фундацыі Радзівілаў у Брэсце ў 1558 г. (перавыдадзены ў Нясвіжы і Вільні). Пра аўтарытэт і папулярнасць "Брэсцкага канцыянала" кажа тое, што 38 песень з яго ўвайшлі ў "Дадатак" да "Кракаўскага канцыянала" 1559 г. Зачніце ж юж нову Можнэму Песнь Монаршэ Вечнэму Ласка его нехай слыне Аж в морэ вшэлька рэка вплыне Бо то ест Бог навеншы Пэлэн вшэлькей строгосці Навеншы над вшыткемі Богі Пэлэн грозы і трывогі Зачніце ж юж нову Можнэму Песнь Монаршэ Вечнэму