Вершаваная аповесць 1582 г. http://staryolsa.com/by/gurt/teksty-noty-bel/kletskaya-b-tva-1506-g-2.html Словы Мацея Стрыйкоўскага ("Хроніка Польская, Літоўская, жамойцкая і ўсяе Русі" (1582), пераклад з польскай мовы А.Дзітрыха, музыка народная – са зборніка БНТ Балады (Кн. 1. Мн., 1977). У "Хроніцы" М. Стрыйкоўскага назва гучыць як "Слаўная бітва з татарамі пад Клецкам". Адаптацыя тэкста да мелодыі выканана З.Сасноўскім. Мацей Стрыйкоўскі (1547 – 1593) – адзін з найбольш вядомых гісторыкаў Рэчы Паспалітай другой паловы XVI ст. Аўтар патрыятычных вершаваных твораў па гісторыі Рэчы Паспалітай. Найбольшую славу як гісторыку і паэту прынесла "Хроніка Польская, Літоўская, Жамойцкая і ўсяе Русі" – першая друкаваная гісторыя ВКЛ. Каштоўнасць "Хронікі" ў тым, што яе аўтар з’яўляўся відавочцам многіх апісаных ім войнаў і асабістым удзельнікам многіх бітваў. 1. Там за рэчкай, за ракой// не дужа глыбокай Ды нямала ў берагах// ў берагах шырокай 2. Войска лютае татар// пачало спыняцца Каб літве пашкодзіць// да ракі прабрацца 3. Міхал Глінскі бачыў// мост ужо гатовы Да літвы прамовіў// гэтакія словы: 4. “Каб Айчыну-маці// мужна ратавалі Ды татараў лютых// мужна ваявалі!” 5. Нашы як ударылі// раптам на татараў Звон і гром нясецца// неба ліецца жарам 6. Там з атрадам Глінскі// ўласным прытаіўся Ад падстрэлу другі конь// пад ім заваліўся 7. Ён на іншага ўскачыў// не зважаў ні мала Так як гетману і ўсім// рыцарам прыстала 8. Там паганцаў навакол// хутка акружылі Ды як пруцце шэрагам// шэрагам зкасілі 9. Прэч татары пабеглі// хто як уцякае А літва імчыцца ўслед// смела даганяе 10. Ды сячэ ў хрыбты ім б’е// дзіды запускае Кроў хлюпоча, ліецца// па траве сплывае 11. Гук і крык над полем// па лясных разлогах Поўна трупаў у рацэ// па шляхах-дарогах 12. Так Літва татараў// біла мардавала Аж да Цапры да ракі// да ракі загнала