Колькі прахожых шыбуе цераз пляц. На кожным гарнітур, а за каўнерам карак. Спраектаваў тут нехта Рэспублікі Палац, А там унізе чарговая ахвяра! Далей шыбуе моўчкі чыноўнікаў хаўрус, Падэшвамі слізгае па ахоўнай шыльдзе. Ім наўздагон крычу: "Досыць!"; Скрозь непрыбраны друз Адзін з прахожых ўсё-ж такі пытае: "Што там унізе?" Там унізе - твая Атлантыда, Зарытага бруку напеў! Там недзе у рэштках апсіды Схаваны твой сорам і гнеў!