Словы Андрэя Мельнікава http://origin.svaboda.org/content/article/762146.html Хто народжаны поўзаць, той не будзе лятаць - Самастойна вядома гэта, мусіць, усім. Каб не бачыць подласць, дастаткова спаць Ці вочы заплюшчыць да лепшых часін І давіцца будучай кілбасой і верыць У веліч праваслаўных славян, Сябраваць з Масквой, ды толькі з Масквой, І крычаць разам з ёй "ату!" і "ура!", Вінаваціць ЦРУ, БНФ і жыдоў, Лая чорных, багатых ды проста чужых, Ды гэтую туфту называць жыццём, І лічыць, што жыць так - значыць правільна жыць.. Прыпеў: Беларусь, Беларусь... Спіш ды бачыш чырвона-зялёныя сны, Толькі ззаду твой непаўторны саюз, А наперадзе вогнішча... новай вайны! А наперадзе вынік, па-руску "ітог", Шматгадовых каленяў, сагнутай спіны, Святкавання над табою чужых перамог, Справядлівай зайздрасці, мудрай хлусні, Пакаранняў за ганьбу растаптаных святынь, За бязбожнасць куміраў, правадыроў, За пустыя вочы твараў пустых, За пустыя галовы тваіх жыхароў, За краіну-палігон для вар'яцкіх ідэй, За амнезію, за лёкайскі дух, За славу ветэранаў, катаванне людзей, За прадажнасць целаў і прадажнасць душ. Прыпеў.