Музыка Барыса Вайханскага Словы Аляксея Марачкіна http://www.vaikhansky.com/texts/text_belorus/na_stihi_alekseya_marochkina/garadez_stanuli_vargany.shtml Гарадзец, Станулi, Варганы... Як адзежына даўняга строю, - Старажытныя курганы Засталiся ад прашчураў-вояў. Адгукнецца праз тоўшчу вякоў Дым стажараў, гул стольнага веча. Устрывожаны цокат падкоў, Звон набатны, звон цяжкага меча. Кавалi, Верацеi, Вялец... Коцiць воды празрыстая Мнюта. Мчыць па полi ўзмакрэлы ганец, Асыпаецца квеценем рута. Скрыжаваннi забытых дарог Параслi хмызняком верасовым. Як настольнiк - квяцiсты мурог, Цешыць вока узор адмысловы. Курганы... Усяслава шалом Узвышаюць купчастыя сосны. Знiтаваных стагодззяў сувой, Ткуць узорысты летапiс кросны. Навасельцы, Лужкi, Камаi - Майго роду адметная рыска. Баўтрамеi, Лугi, Барсукi - Нашых продкаў былая калыска. Гарадзец, Станулi, Варганы... Кавалi, Верацеi, Вялец... Навасельцы, Лужкi, Камаi... Курганы...