Словы Леаніда Пранчака Музыка Васіля Раінчыка Жыве Беларусь! Веру, будзе жыць заўсёды! Святло Пагоні будзе сэрцы нашы акрыляць. Жыве, жыве наш Край магутны і свабодны, Нескароная нікім і святая Зямля. Беларусь, Беларусь, хай цябе мінуць усе нягоды. Век у шчасці жыві ты, ты Радзіма мая! Жыве Беларусь, нашай волі абуджэнне. Краіна-маці, ты прызнанне шчырае прымі. Жыве, жыве, гучыць узнёсла бласлаўленне — Беларускі горды дух увасстаў з даўніны. Беларусь, Беларусь, мы тваё вітаем Адраджэнне Будзеш вечна вольнай ты, будзем вольнымі мы. Жыве Беларусь, нас нядоля не здалела. Магутны Божа, беражы Айчыну з году ў год. Жыве, жыве, як непагасны сімвал веры, Будзе вечна на зямлі паспаліты наш Род. Беларусь, Беларусь, пад штандарам бел-чырвона-белым Век у шчасці жыві ты, Беларускі Народ!